De 17. Abrëll war d'Optioun Sport (3ème-1ère C a 1ère GSO) aus dem ALR op Besuch an der Privatschoul vun der Sainte-Anne , déi zanter villen Joren ee Projet mat Special Olympics lancéiert hunn.
Bei sportlechen Aktivitéite wéi dem Cross Boccia, villen klenge Staffelen a koordinativen Aufgaben, konnte mir dovunner profitéieren ee kuerzen Abléck an dëse wichtege sozial Beräich vu Sport zesumme mat Athlet*innen déi eng Beanträchtegung hunn ze kréien.
Eis Schüler*innen hu mat den Athlet*innen vu Special Olympics a Gruppen zesumme geschafft a konnten sech esou besser kenne léieren a géigesäiteg ënnerstëtzen. D'Tatsaach, datt eis Schüler*innen ganz offen un d'Athleten erugaange sinn a keng Kontaktängschte gewisen hunn, huet zu engem gelongenen Owend bäidroe, bei dem vill zesumme gelaacht ginn ass.
Mir ware begeeschtert iwwert d'Liewensfreed an den Enthusiasmus vun de Special Olympics Athlet*innen!
Ee grousse Merci dem Romy Bertemes aus der Sainte-Anne, datt mir erëm konnten dobäi sinn, hei e puer Andréck.
