Den 18. Dezember ass et erëm souwäit, den Atert-Lycée invitéiert op säi grousse Chrëschtmaart.
Ab hallwer 12 ass jiddereen invitéiert an den ALR ze komme fir sech d’Stänn vun de Klasse mat Decoartikelen, Cadeausiddien, selwer gemaache Kichelcher oder Spiller fir grouss a kleng unzekucken. D’Klasse vum Cycle supérieur assuréieren d’Stänn fir Iessen a Gedrénks, nieft Gegrills, Fritten, Nuddelen, Eisekuchen a Panescher sinn och Raclette an Dürum an der Offer, sou datt jiddereen eppes fënnt wat em schmaacht.
De musikaleschen Encadrement gëtt vun de Schüler an dem Personal aus dem ALR assuréiert.
Och wann d’Verkaafsstänn vun de Schüler no 15 Auer zoumaachen, wäert de Comptoir a verschidden Iessebudden hannen am Haff bis 20 Auer op sinn, sou datt een och nach am spéiden Nomëtten um Chrëschtmaart vum ALR ka laanscht kommen.
Dëst Joer wäert den integrale Gewënn vum Chrëschtmaart un A.M.V.A (aidez moi à voir autrement) a.s.b.l. an d’Association luxembourgeise des groupes sportifs pour cardiaques gespent ginn.
