Den 21 Mäerz huet den ALR als "équipe connectée" um Relais pour la vie, engem Laf fir de gudden Zweck vun der Fondation Cancer, deelgeholl.
Ronn 400 Schüler a Personal aus dem ALR si fir de gudden Zweck matgelaf, getrëppelt a geradelt. Fir Iessen a Gedrénks war dank eiser Direktioun, eisem Service Technique an de Proffen & Schüler aus dem Brauatelier beschtens gesuergt. Duerch des Aktioun konnt den ALR 5075 € fir d'Kriibsfuerschung spenden.
